Ne l próssimo die 26 de Setembre de 2009, pulas 11 horas, inaugura-se, ne l Centro de Mimória de Torre de Moncorbo, la Sposiçon Documental i Fotográfica: Diálogo de dous anteletuales an torno de la Stória i de la Cultura de l Nordiste Stransmuntano: Joaquin Rodrigues de l Santos Júnior i António Marie Mourinho.
Esta Sposiçon ye ua einiciatiba cunjunta de l municípios de Miranda de l Douro i de Torre de Moncorbo, depositários de dous amportantes legados, de dous grandes anteletuales pertueses de l seclo XX. L município de Miranda de l Douro guarda l Arquibo Pessonal de António Marie Mourinho i l município de Torre de Moncorbo l Fondo de l Porsor Joaquin de l Santos Júnior.
Ls dous citados anteletuales, eruditos i eilustres ambestigadores, merecian puls sous amportantes trabalhos un reconhecimento i ua houmenaige la nible nacional, mas anquanto esses tributos nun chegan, ls municípios de Miranda de l Douro i de Torre de Moncorbo ounírun-se para lembrar, houmenagear, celebrar quien nun se cansou de studar l'arqueologie, la coreografie, la stória, la cultura de l Nordiste Stransmuntano.
La Sposiçon yá stubo patente al público na Viblioteca Municipal Padre António Marie Mourinho, Miranda de l Douro, de 10 de Júlio até al momento. Agora, ye la beç de l município de Torre de Moncorbo amostrar als sous munícipes i besitantes l spólio legado puls dous anteletuales.
Na referida sesson d'abiertura, apersenta-se l catálogo de la Sposiçon de l'outoria de Marie Oulinda Rodrigues Santana, Porsora i Ambestigadora de la UTAD.
Esta Sposiçon ye ua einiciatiba cunjunta de l municípios de Miranda de l Douro i de Torre de Moncorbo, depositários de dous amportantes legados, de dous grandes anteletuales pertueses de l seclo XX. L município de Miranda de l Douro guarda l Arquibo Pessonal de António Marie Mourinho i l município de Torre de Moncorbo l Fondo de l Porsor Joaquin de l Santos Júnior.
Ls dous citados anteletuales, eruditos i eilustres ambestigadores, merecian puls sous amportantes trabalhos un reconhecimento i ua houmenaige la nible nacional, mas anquanto esses tributos nun chegan, ls municípios de Miranda de l Douro i de Torre de Moncorbo ounírun-se para lembrar, houmenagear, celebrar quien nun se cansou de studar l'arqueologie, la coreografie, la stória, la cultura de l Nordiste Stransmuntano.
La Sposiçon yá stubo patente al público na Viblioteca Municipal Padre António Marie Mourinho, Miranda de l Douro, de 10 de Júlio até al momento. Agora, ye la beç de l município de Torre de Moncorbo amostrar als sous munícipes i besitantes l spólio legado puls dous anteletuales.
Na referida sesson d'abiertura, apersenta-se l catálogo de la Sposiçon de l'outoria de Marie Oulinda Rodrigues Santana, Porsora i Ambestigadora de la UTAD.
Sem comentários:
Enviar um comentário