A simples troca de l carton de l gasóleo agrícola gerou esta manhana an Miranda de l Douro ua manifestaçon spontánea de l'agricultores que se çlocórun als serbícios de la direçon regional d'agricultura de la cidade.
An causa staba l'atraso de l funcionários. Este ourganismo abre solo dues bezes por sumana, terças i quinta i solo cun dous técnicos que bénen de l núcleo regional d'agricultura de Mogadouro. Ua situaçon que deixou esta manhana cerca de cien agricultores mirandeses reboltados.
“Claro que stamos todos reboltados, anton stan eiqui mais de 100 pessonas A la spera dun funcionário que ne ls benga a atender” afirma un agricultor.
“Nun hai dreito!” protesta outro agricultor. “Stá tanta la giente a la spera dun funcionário, esto ye ridíclo” acrescenta.
“Até esta hora, ye mui tarde. Esto ye fazer pouco de l labrador” cunsidra outro.
Ua situaçon que nun deixou andifrente l Bloco de Squierda que ne l momento fazie campanha an Miranda de l Douro
“Esto ye cundenable, mas acaba por ser l speilho de la centralizaçon i de la racionalizaçon de meios” refree l cabeça de lista.
Ls serbícios de la direçon regional d'agricultura fúrun ancerrados hai cerca de dous anhos. Ua situaçon que Luís Bal diç nun antender ua beç que Miranda ye tierrad'agricultores.
Fonte: Rádio Brigantia, 22-09-2009 (versão original)
Sem comentários:
Enviar um comentário