Apresenção da candidatura de Américo Tomé à Câmara Municipal de Miranda do Douro

Cerca de 800 pessonas stubírun persentes na apersençon de la candidatura de Américo Tomé a la Cámara Municipal de Miranda de l Douro.L cabeça de lista de l PSD i bice-persidente daquela eidilidade scolheu l polibalente de la Scuola Secundária de la cidade para agitar las percipales bandeiras eileitorales.

La promoçon turística de l cunceilho ye ua de las grandes apostas pa l próssimo mandato, causo benga a ser eileito. Passado 10 anhos de speriencia outárquica, l candidato garante que l'atual eilenco camarário deixou obra feita, mas reconhece que ye perciso inobar.“Durante ls redadeiros dieç anhos fúrun feitas muitas cousas positibas ne l cunceilho de Miranda de l Douro. L'eilenco outárquico que dirigiu ls çtinos de l município, funcionou mui bien, cun oubjetibos bien definidos”, resumiu l candidato.L setor turístico será l'alabanca de l zambolbimento, pul qu'hai qu'aprobeitar ls recursos naturales de l cunceilho, l património, la sue stória i a peculiar cultura mirandesa, defende Américo Tomé.

“Hai décadas qu'an Trás-los-Montes se fala que l que resta als stransmuntano ye l setor turístico, inda assi, pouco ó nada ye feito neste bertente eiquenómica. Acho que son estes oubjetibos que tiran de ser assumidos i mie candidatura nun bai quedar alheia l'esta aposta”, garante l cabeça de lista laranja.

L candidato relembra que Miranda de l Douro “ten bários eiquipamentos turísticos i que ne l feturo terá inda mais, para que se cunsiga fazer ua posta dedicada i agressiba ne l turismo”.

Outra de las bandeiras passa pula balorizaçon de l Mundo Rural i de l produtos andógenos de l cunceilho, yá que la Tierra de Miranda ye fértil nesta bertente, bien cumo ne l'artesanato. Por esso, la criaçon dun centro de recolha de produtos regionales ye ua de las perpuostas apersentadas por Américo Tomé.

Américo Tomé faç-se acumpanhar por Fernando Palhau i Cristina Santos na lista a la Cámara. Yá l'atual persidente de l município, Manuel Rodrigo, ye l candidato a la Assemblé Municipal, sendo que l PSD cuncorre a las 17 freguesies de l cunceilho.