Passado ua campanha, an que se usórun ls argumientos que cada ua de las campanhas achou neçairo. La lista de l PS ancabeçada por Aquilino Ginjo, benceu la Junta de SENDIM, deixando la lista de l PSD ancabeçada pul prof. Almendra a 18 botos.
Zeio todo de buono para Aquilino i la sue eiquipa, i l que fui dezido na campanha seia todo rializado, aliás que probe que las pessonas nun stan anganhadas i inda aprobeite las buonas eideias de l'outra lista i las rialize tamien. A partir d'hoije deixou d'haber PS, PSD, CDS, PCP, hai si un SENDINÉS, qu'arriba de todo se ourgulha de la sue tierra i fazerá todo por todo para lebar SENDIM cada beç mais loinge.
Deixo tamien eiqui l miu agradecimiento al Prof. Almendra que tubo la coraige de se meter nas abinturas politicas outra beç, que mostra qu'arriba de todo ama la sue tierra, SENDIM.
Sem comentários:
Enviar um comentário