Coperatiba Agropecuária bai ambestir na spanson
La Coperatiba Agropecuária Mirandesa bai ambestir quatro milhones na spanson de l mais repersentatibo porduto andógenos de la region, la chicha de bobino mirandés. L'ambestimiento ye ancarado cumo "ua altarnatiba a la crise ne l setor".
Causo l porjeto se materialize, l feturo de la raça mirandesa "ye promissor", dízen ls respunsables de la coperatiba, yá que se ancontra nun mercado adonde la percura supera la capacidade de repuosta de ls pordutores, sendo un de ls poucos pordutos que resistiu, ultimamente, a la queda acentuada de l précio pago al pordutor.
Segundo Fernando Sousa, secretairo técnico de la raça mirandesa, cul ambestimiento prebisto, "l feturo ye promissor, porque se bai ganhar cumpetitebidade i atingir maior cota de mercado".
Atualmente, la CAM stá a comercializar cerca de dous milhones d'ouros de chicha por anho, mas cul porjeto de l'ounidade de trasformaçon de chichas, a custruir na zona andustrial de Bimioso, la faturaçon poderá triplicar nun spácio de cinco anhos.
Aquel respunsable acradita que será possible atrair agricultores que stan a perder rentabelidade noutras atebidades agrícolas.
Ls anchidos de chicha de baca son ua de las apostas de ls pordutores qu'agora se pretende lançar ne l mercado sterno, stando yá pensada ua forma de comercializar la chicha mirandesa na Ounion Ouropeia atrabeç dun çtribuidor sedeado an Paris.
An Pertual, seran colocados dous antrepostos, un an Lisboua, outro ne l Porto, para assi abastecer aqueilhas dues árias metropolitanas. Para para alhá de l mercado ouropeu, ls animales de raça bobina mirandesa yá stan a chegar la Angola, paíç que depressa se apercebiu de l potencial daquela raça.
Ne l solar de la raça mirandesa eisiste un afetabo de cerca de seis mil bacas de linha pura, mas tiempos houbo an que númaro destes animales era superior. " Houbo tiempos an que l solar era cumpuosto 228 mil bacas, ne l persente son seis mil, mas hai ambiçon de crecimiento," afiançou Fernando Sousa.
Ls agricultores ancórun l feturo cun algun outimismo, yá que cada pordutor recibe un susídio de la U I que ronda ls 600 ouros anuales por cabeça. La benda dun bitelo puode ir para alhá de ls 800 ouros.
La Coperatiba Agropecuária Mirandesa bai ambestir quatro milhones na spanson de l mais repersentatibo porduto andógenos de la region, la chicha de bobino mirandés. L'ambestimiento ye ancarado cumo "ua altarnatiba a la crise ne l setor".
Causo l porjeto se materialize, l feturo de la raça mirandesa "ye promissor", dízen ls respunsables de la coperatiba, yá que se ancontra nun mercado adonde la percura supera la capacidade de repuosta de ls pordutores, sendo un de ls poucos pordutos que resistiu, ultimamente, a la queda acentuada de l précio pago al pordutor.
Segundo Fernando Sousa, secretairo técnico de la raça mirandesa, cul ambestimiento prebisto, "l feturo ye promissor, porque se bai ganhar cumpetitebidade i atingir maior cota de mercado".
Atualmente, la CAM stá a comercializar cerca de dous milhones d'ouros de chicha por anho, mas cul porjeto de l'ounidade de trasformaçon de chichas, a custruir na zona andustrial de Bimioso, la faturaçon poderá triplicar nun spácio de cinco anhos.
Aquel respunsable acradita que será possible atrair agricultores que stan a perder rentabelidade noutras atebidades agrícolas.
Ls anchidos de chicha de baca son ua de las apostas de ls pordutores qu'agora se pretende lançar ne l mercado sterno, stando yá pensada ua forma de comercializar la chicha mirandesa na Ounion Ouropeia atrabeç dun çtribuidor sedeado an Paris.
An Pertual, seran colocados dous antrepostos, un an Lisboua, outro ne l Porto, para assi abastecer aqueilhas dues árias metropolitanas. Para para alhá de l mercado ouropeu, ls animales de raça bobina mirandesa yá stan a chegar la Angola, paíç que depressa se apercebiu de l potencial daquela raça.
Ne l solar de la raça mirandesa eisiste un afetabo de cerca de seis mil bacas de linha pura, mas tiempos houbo an que númaro destes animales era superior. " Houbo tiempos an que l solar era cumpuosto 228 mil bacas, ne l persente son seis mil, mas hai ambiçon de crecimiento," afiançou Fernando Sousa.
Ls agricultores ancórun l feturo cun algun outimismo, yá que cada pordutor recibe un susídio de la U I que ronda ls 600 ouros anuales por cabeça. La benda dun bitelo puode ir para alhá de ls 800 ouros.
Fonte: Jornal de Notícias - 17/10/2009
Sem comentários:
Enviar um comentário