L miu burro Bicente

De burro nun tenie nada, de l'alto de l sous 15 anhos i cun trabalho de poner patatas, arrincar patatas, arar la bina, carregar las ubas. De todo fizo un pouco, mas cumo l'eidade pesou mais al sou tratador que a el, decidiu ir passar uas bacanças para dues Eigreijas

Hoije ye l die de l “animal”, passou na TBI ua reportaige subre ls “burros de Miranda”. La reportaige cul Miguel Nóboa, i subre l'asilo de Burros que stá amplantado an dues Eigreijas. Local adonde por rezones dibersas l miu burro “Bicente” fui a uns anhos. Pul que bi son bien tratados, melhor que ls idosos de las tierras de Miranda, que para qualquier tratamiento ten de fazer quilómetros i quilómetros para tener ua repuosta cierta pa las sues anquietaçones. Un bien-haba pa l Miguel i pa la APEGA.