Yá fui aprobado l porjeto de la Associaçon de Criadores de Bobinos de Raça Mirandesa pa la custruçon dua ounidade andustrial d'abate, çmancha i trasformaçon de chicha mirandesa.
L PRODER – Porgrama de Zambolbimiento Rural – yá dou luç berde pa l financiamiento.
L persidente de la coperatiba manifesta-se sastifeito, pus al final de cinco anhos, l'obra bai abançar.
“Fui la bice-diretora de l PRIDER que ne ls quemunicou nua reunion que tubimos culha an Lisboua” adianta. “Quedamos mui cuntente porque hai mui tiempo que sperábamos ber l porjeto aprobado”.
Un atraso que yá staba a trazer alguns porblemas a la coperatiba. “Al nible de la comercializaçon stamos a perder mercado, mas speramos recuperá-lo drento an brebe”. António Luís, spera que las obras pa la custruçon de la fábrica comecen al mais rápido possible, sendo que l cuntrato puode ser assinado inda este més. “Yá lançamos l cuncurso público i yá fui scolhido l'ampresa, por esso arrincaremos drento an brebe, assi que téngamos la quemunicaçon oufecial” diç. “Lougo que l cuntrato seia assinado, l denheiro yá ben”. Inda assi adianta que “bamos asperar pula assinatura de l cuntrato, mas nun debe demorar muito”, afirma, cumbito.
Para para alhá de l fabrico de chouriço a partir de chicha mirandesa, esta ounidade andustrial cuntempla inda la cunfeçon de pré-cozinados. Mas esta bertente nun bai ser financiada. “La Ounion Ouropeia nun cuntempla esta bertente i por esso bai quedar fura de l financiamiento” splica António Luís. Este porjeto repersenta un ambestimiento de quatro milhones d'ouros. L PRODER financia an 40%. La fábrica debe antrar an funcionamiento an meados de 2011, i bai gerar 20 postos de trabalho.
Fonte: Brigantia - 20/10/2009
L PRODER – Porgrama de Zambolbimiento Rural – yá dou luç berde pa l financiamiento.
L persidente de la coperatiba manifesta-se sastifeito, pus al final de cinco anhos, l'obra bai abançar.
“Fui la bice-diretora de l PRIDER que ne ls quemunicou nua reunion que tubimos culha an Lisboua” adianta. “Quedamos mui cuntente porque hai mui tiempo que sperábamos ber l porjeto aprobado”.
Un atraso que yá staba a trazer alguns porblemas a la coperatiba. “Al nible de la comercializaçon stamos a perder mercado, mas speramos recuperá-lo drento an brebe”. António Luís, spera que las obras pa la custruçon de la fábrica comecen al mais rápido possible, sendo que l cuntrato puode ser assinado inda este més. “Yá lançamos l cuncurso público i yá fui scolhido l'ampresa, por esso arrincaremos drento an brebe, assi que téngamos la quemunicaçon oufecial” diç. “Lougo que l cuntrato seia assinado, l denheiro yá ben”. Inda assi adianta que “bamos asperar pula assinatura de l cuntrato, mas nun debe demorar muito”, afirma, cumbito.
Para para alhá de l fabrico de chouriço a partir de chicha mirandesa, esta ounidade andustrial cuntempla inda la cunfeçon de pré-cozinados. Mas esta bertente nun bai ser financiada. “La Ounion Ouropeia nun cuntempla esta bertente i por esso bai quedar fura de l financiamiento” splica António Luís. Este porjeto repersenta un ambestimiento de quatro milhones d'ouros. L PRODER financia an 40%. La fábrica debe antrar an funcionamiento an meados de 2011, i bai gerar 20 postos de trabalho.
Fonte: Brigantia - 20/10/2009
Sem comentários:
Enviar um comentário