Un prejuízo de miles d'ouros.
Ye desta forma que ls ampresários de Palaçoulo, an Miranda de l Douro, definen ua falha d'einergie eilétrica qu'acuntiu por bolta de las nuobe de la manhana desta segunda-feira i durou cerca de seis horas. Ls andustriales fúrun oubrigados la çpensar ls funcionários i la dáren l die cumo perdido.
Alberto Martines, propietário dua de la cutelarie dá cunta desso mesmo. “Ye óbbio que causa transtornos einormes na linha de produçon” refree, salientando que “sin einergie eilétrica, para nuolos, torna-se ampossible laborar”. L respunsable acrescenta que “fumos anformados qu'eilhes stan cun porblemas ne l fornecimento de l serbício por ua abarie qu'ocorreu antre Mogadouro i Sendin”. Manuel Gonçalbes, ampresário dua tanoarie refree que ye inexplicable que nua localidade cumo Palaçoulo que bibe eissencialmente de l'andústria haba tantas falhas d'eiletricidade. La que se registou este segunda-feira ampossibilitou mesmo l funcionamento de las ampresas. “Stamos ampossibilitados de trabalhar i esto traç prejuízos einormes porque tenemos de tener las fábricas cerradas” refree. Manuel Gonçalbes diç que “ye frequente acuntíren estas falhas de luç, mas desta beç fui mais prolongada”.
A maior aldé andustrial de l cunceilho de Miranda de l Douro, Palaçoulo, stubo zde las nuobe de la manhana até las trés de la tarde sin einergie eilétrica. Ua situaçon que causou miles d'ouros de prejuízo pa las andustrias. Al que cunseguimos apurar esta falha d'einergie eilétrica debiu-se a ua abarie qu'ocorreu antre Mogadouro i Sendin. Inda assi aguardamos inda ua repuosta por parte de la EDP qu'até al momento nun se pronunciou subre l'assunto.
Fonte: Brigantie, 13-10-2009
Sem comentários:
Enviar um comentário