Na zona d'anfluéncia de las barraiges de Bempuosta, Picote i de las feturas Baixo Sabor i Foç Tua
La EDP, atrabeç de la sue Fundaçon, bai apoiar porjetos de solidariedade social promobidos por anstituiçones de la region de Trás-los-Montes i Alto Douro, na zona d'anfluéncia de las barraiges de Bempuosta, Picote i de las feturas Baixo Sabor i Foç Tua, anunciou la cumpanha.
L'ambestimento de 100 mil ouros será çtribuído por porjetos dirigidos a la «melhoria de la qualidade de bida, an particular de pessonas socialmente çfaborecidas i l'antegraçon de quemunidades an risco de scluson social», splica l'einergética.
Ls porjetos seran selecionados por un júri custituído eissencialmente por representantes d'anstituiçones regionales. L prazo de candidaturas decorre de 3 de Outubre a 2 de Nobembre.
L porgrama “EDP Solidária Barraiges” faç parte de l cunjunto d'açones de promoçon de zambolbimento local «que l grupo lebará a cabo an paralelo cul praino d'ambestimentos hidroelétricos», sclarece ua nota a l'amprensa.
Nesta eidiçon seran cuntempladas las árias d'anfluéncia de l reforços de poténcia i custruçon de nuobas barraiges: cunceilhos de Alfandega de la Fé, Alijó, Carrazeda de Ansianes, Macedo de Cabalheiros, Miranda de l Douro, Mogadouro, Mirandela, Murça, Torre de Moncorbo i Bila Flor.
Fuonte: Lusa (06/10/2009)
Sem comentários:
Enviar um comentário